Mtoto Miezi 3

Jinsi mtoto wako anavyokua

Sasa mtoto wako ana umri wa miezi mitatu, viungio vyake vya mwili vinakua rahisi zaidi, kumruhusu yeye kupungia na kurusha mateke kwa nguvu zaidi. Jitaharishe maana kugeuka geuka kutakua kwingi kwani miguu yake itakua inapata mazoezi ya kutosha. Anaweza akawa mmoja ya watoto waumri huu ambao watafurahishwa na kufunga na kufungua vidole vyake, na kupiga mikono yake pamoja(kupiga makofi)

Ucheshi wa mtoto wa mtoto wako unaendelea kukua vizuri pia. Pindi unapomtekenya,ukicheza nae mchezo wa kujificha au kupuliza kwenye tumbo lake, utamsababishia kucheka sana.

Kwa kweli kucheka kunachukuliwa kama moja ya hatua ya ukuaji wa watoto. Tengeneza mda mwingi wa kuongea na mtoto wako, kumsomea kwa sauti kubwa au kufanya nyuso zenye kumfurahisha.

Maisha yako: Pale milio ya kitoto haikwishi.

Unahisi mwenye wasiwasi au hali ya kuwa na hisia mvhanganyiko ila unazipotezea? Mwenza wako au rafiki yako ameshawahi kukushauri huenda kulia kwa mtoto wako kumekua ni jambo la uzito sana? Sio kitu cha uhakika kwamba unasumbuliwa na tatizo la usongo wa mawazo baada ya ujauzito. Kwa bahati nzuri msaada unapatikana.

Kama unahisi unasumbuliwa na msongo wa mawazo baada ya ujauzito, usiruhusu wasiwasi au kiburi kukuzuia kumwona daktari wako au kuongea na mshauri wako wa afya. Angalau moja kati ya wanamama nane wana uzoefu na msongo huu wa mawazo na kupata matibabu kunaweza kuweka mabadiliko yote.

Mtoto Miezi 2

Jinsi mtoto wako anavyokua

Ukuaji wa mtoto wako ni wa kasi, na kuwa na nguvu kila siku. Uwezo wa kukidhibiti kichwa chake unaendelea kukua, na anaweza kukinyanyua kichwa chake juu kwa sekunde chache akiwa anashangaa dunia inayomzunguka.

Unaweza ukagundua mtoto wako anashangazwa bila kutarajia na mikono yake mwenyewe. Bado hajaweza kuelewa kwamba ni moja ya kiungo cha mwili wake, na anaweza kuidhibiti, ikiwa ni hatua ya kwanza ya kupata uwezo wa kufikia vitu na kufahamu mambo.

Kinga ya chanjo kwa mtoto wako ni ndani ya mwezi huu, na inakulazimu kuwa na maswali kama, ni aina gani ya chanjo? Itatolewa lini? Ni nini kitatokea kwenye hiyo siku? Je mwanao anaweza kupata chanjo kama anamafua au anakohoa?.

Pengine unaweza ukawa na wasiwasi kuhusu mtoto wako kupata chanjo ya sindano. Ni hali ya kawaida kuwa na wasiwasi na unaweza kushangaa kama ni salama kwa mtoto kupatiwa kinga.

Maisha yako: Jinsi ya kuwa mzazi jasiri

Kwa sasa umefikia hatua ya kuweza kukabiliana na ukuaji wa mtoto wako ingawa sio kazi nyepesi, umeweza kujua hisia na mahitaji ya mtoto wako pia, inaonekana unajitahidi kupambana na hali ya kuwa mzazi.

Jitahidi kupata usingizi wa kutosha kipindi mtoto amelala mchana. Kama una mtoto mkubwa pia, jaribu kumwomba rafiki au ndugu kumwangalia wakati unapumzika.

Mara nyingine unaweza kugundua kwamba kuwa mzazi kunachosha. Kulisha, kubadilisha nepi na kuogesha mtoto imekua mambo yanayochukua mda mwingi wa siku yako. Habari njema ni kwamba mtoto wako anakua, pongezi kwa jitihada, na unaweza kuzawadiwa sauti za kitoto, minong’ono ya mtoto wako na tabasamu zuri kutoka kwa mwanao.

Mtoto Wiki ya 7

Jinsi mtoto wako anavyokua

Mtoto wako kapoteza muonekano wake wa kitoto na kaanza kuonekana kama mtu mdogo! Anaonekana mwenye kasi zaidi na kuchukua tahadhari mara umwinuapo wima.

Mara mtoto anapokua amelalia tumbo lake, anaweza kunyanyua kichwa na kifua chake kwa muda, akionekana kama anapiga push-up ndogondogo. Hii inamsaidia kudhibiti kichwa chake,maana ni hatua ya ukuaji wake.

Muunganiko kati ya wewe na mtoto wako unakua kila siku inapopita. Ukizungumza anaweza kuacha anakoangalia na kukutazama wewe, au kuacha kula na kukusikiliza wewe. Endelea kuongea nae, rudia minong’ono na kelele zake.

Elezea unachofanya ukiwa unatembea ndani ya nyumba, na msomee mtoto wako kila uwezapo. Unapomsomea mtoto haikupi tu furaha na hali ya kuridhika, ila pia inasaidia kukuza lugha ya mtoto.

Maisha yako: kutafuta huduma ya haki ya watoto

Kama una mpango wa kurudi kazini, aidha ndani ya mwezi au mwaka, si mapema kufikiria kuhusu huduma za watoto. Ni vema kuwatafuta mmfanyakazi wa ndani mzuri mapema kwa ajili ya kuhudumua watoto.

Unaweza ukawa una urahisi zaidi kama utaamua kumtumia dada wa kazi.kama una mpango wa kufanya kazi nyumbani itabidi ujipange vizuri ili uweze kupata muda wa kutosha kufanya kazi zako.

Kwa sasa utakua umefanikiwa kukutana na wakina mama wengine ambao wana watoto wadogo kama wewe, hapa unaweza kubadilishana mawazo na wenzako na kupata mawazo mapya.

Mtoto Wiki ya 6

Jinsi mtoto wako anavyokua

Tangu pindi mtoto amezaliwa, mtoto wako amekua akikua zaidi na kuwa karibu zaidi na wewe au mwenzi wako. Kwa sasa anaweza weka hadharani kuwa nyinyi ndio watu wake awapendao, kwa kunong’ona na kupiga mateke kwa furaha kila akikuona. Na kila unapozidi kumkumbatia, kumtekenya, kucheza nae inakupa fursa zaidi ya kuona tabasamu lake la kwanza mapema.

Mtoto wako anakua nyeti sana kwa mazangira yaliyomzunguka. Kwa mfano, unaweza gundua jinsi anavyokabiliana na kelele za ghafla kama kengele ya mlangoni. Anaweza kuruka, kulia au kukaa kimya akiwa anajaribu kuelewa hisia mpya ya kushangaza.

Kuna uwezekano kwamba mtoto wako akapendelea sana sauti yako na ya mwenzi wako. Tengeneza nafasi kuongea, kumsomea au kupiga kelele azipendazo zaidi.

Hata kama mtoto wako hakuelewi unachozungumza, kumpa nafasi kusikia sauti yako ni msingi mkuu wa kujifunza kuongea baadae. Haijalishi ni maneno gani unayotumia. Unaweza kunyooshea kidole vitu vilivyo karibu na kuelezea rangi na maumbo, na kutoa maelezo ya haraka ya kile unachokifanya au kuongea kuhusu familia na marafiki.

Maisha yako: vipimo vyako baada ya ujauzito

Muda fulani baada ya wiki chache mbeleni,daktari wako au mtaalamu wako wa afya atatoa nafasi ya vipimo baada ya ujauzito, kuhakikisha wewe na mtoto wako mnaendelea vizuri. Kama una maswali au hoja, au una tatizo kukabiliana na hali ya kuwa mama mwenye mtoto mdogo, huu ndio wakati mzuri wa kuliongelea na mtaalamu wako.

Wamama wengi huhisi kuzidiwa, hasa wakiwa wanakumbwa na msongo wa mawazo baada ya ujauzito. Mtaalamu wako wa afya atakua tayari kukusaidia na pia unaweza kumtafuta wakati wowote.

Mtaalamu wako anaweza pia kutoa uchunguzi wa kimwili kuhakikisha kua unapona vizuri. Unaweza pia kuongea nae kuhusu lishe, ili kuwa na uhakika kuwa hauna upungufu wa madini chuma. Anaweza pia kutaja uwezekano wa njia za uzazi wa mpango na kukusaidia kuchagua njia nzuri kwako kutumia.

Kama unahisi uko tayari kwa tendo la ndoa tena, itakua vema kujaribu kabla ya vipimo vyako baada ya ujauzito. Kwa njia hii, kama utapata hali isiyo ya kuridhisha, utafanikiwa kulisema wakati uko kwenye kituo cha afya. Ila hakuna haja ya kuharakisha hili tendo. Endelea na mazoezi ya sakafu ya nyonga, haya yatasaidia tendo la ndoa kuwa la kuridhisha wakati uko tayari kujaribu tena.

Mtoto Wiki ya 5

Jinsi mtoto wako anavyokua

Mtoto wako kwa sasa anaweza kutazama kitu kwa macho yake yote, kwa hiyo anaona ulimwengu kwa kina zaidi kuliko hapo awali. Unaweza gundua kwamba ameanza kupendelea miundo, rangi na maumbo yenye utata. Anaweza kufuatilia mwendo pia, kwa hiyo anaweza kuduwaa kwa kitu kirahisi kilichopita mbele ya uso wake. Ila muda kitakapo potea kwenye uwepo wake anasahau kama kilishawahi kuwepo.

Miezi mitatu ya mwanzo ni muhimu kwenye ukuaji wa ubongo wa mtoto. Ingawa mtoto wako atasahau vitu vipya mapema, kumbukumbu yake inakua kila wakati. Ameanza kuifahamu sauti yako tangu alipozaliwa. Inawezekana pia anakugundua harufu yako, na kuona yenye kuridhisha.

Je uko tayari kutoka nje pamoja na mtoto wako? Inaweza ikawa vigumu kujitaharisha kutoka nje ya nyumba hasa ukiwa na mtoto mdogo. Ila kubadilisha mazingira ni njia kuu ya kumtambulisha mtoto katika mambo mampya, na inaweza kukuza hali/hisia yako. Hata matembezi madogo kwenye maduka yanaweza kukusaidia kupata mapumziko ya siku.

Maisha yako: ushindani wa ndugu

Kama una watoto wengine, unaweza kugundua furaha ya kuwepo kwa mdogo mpya wa kike au kiume inapotea. Mtoto wako mkubwa anaweza kuona wivu na kutaka uangalifu wakati wa kumnyonyesha mtoto, au hata kukutaka umrudishe mtoto.

Jitahidi kuhakikisha mtoto wako mkubwa anapata mda mrefu wa pekee na wewe au mume wako. Mnaweza kuchukua kila mmoja mda kumwangalia mtoto na mzazi mwingine kutumia muda na watoto wakubwa wa kiume au kike. Kama wewe ni mzazi pekee unaweza omba msaada kwa marafiki na familia, au kutafuta mdada wa kazi.

Kama mtoto wako mkubwa anageza vitu vya kitoto unaweza ukamshirikisha kwa muda. Ni jambo la kawaida kwa watoto wakubwa kudeka na kutaka kuangaliwa zaidi pindi anapokuja mtoto mwingine. Hapo punde mtoto wako mkubwa atajirudia hali yake ya kawaida akapogundua kujidekeza kutamnyima kufurahia na kujifunza vitu vipya.

Mtoto Wiki ya 4

Jinsi mtoto anavyokua

Mtoto wako anaendelea kuwa mwenye nguvu kila siku na kujifunza zaidi kuhusu ulimwengu unaomzunguka. Hawezi kuona mbali, ila anaweza kutambua pindi ukipeleka uso wako karibu yake. Kusikia kwake kwasasa kumeimarika vizuri, japo katika hali ya asili itamchukua mda kuelewa kelele zote katika ulimwengu wake.

Moja ya mabadiliko yakufurahisha kwa mtoto wako ni kwamba anaweza kuanza kuongea. Anaweza kunong’ona, kutoa sauti kali pindi anapolia, kutoa sauti za kitoto au kutoa sauti kwa kugusanisha midomo yake, akijaribu kuelezea hisia zake. Jaribu kunong’ona na kutoa sauti za kitoto pia. Mpakate karibu na wewe na ongea nae uso kwa uso ili aweze kuona jinsi uso wako unavyojielezea. Japokuwa hawezi kuona mbali, ila atapendezwa kusikia sauti yako ni vyema kuendelea kuongea nae pindi umwekapo chini na kuondoka.

Maisha yako: Hisia mchanganyiko

Kwa wamama wapya, yaweza onekana kama vimilio vya watoto wao havitaisha. Kama huwezi lala (na sio kwa sababu mtoto anakuamsha) unakula sana au pungufu au kujisikia hali ya chini au kujisikia mwenye shauku kila wakati, unaweza ukawa unakumbwa na usongo wa mawazo baada ya ujauzito. Hivyo basi hauko mwenyewe, maana katika wanawake nane mmoja kati yao anakumbwa na hili tatizo.

Bado unahisi maumivu ukiwa unaketi? Kama ulichanika vibaya kipindi cha kujifungua, pengine una shahuku ya kujua ni kwa mda gani hayo madhara yatadumu. Kama una maumivu kwenye via vya uzazi yanaotokana na kuchanika au kufanyiwa upasuaji mdogo kipindi cha kujifungua, usisubirie mpaka vipimo baada ya ujauzito. Mtafute daktari mara moja na kugundua nini kifanyike ili kujiweka katika hali ya kuridhika.

Kama una wasiwasi kuhusu jinsi yakurudisha uzito wako wa mwili katika hali ya mwanzo, pumzika kwa amani kwani bado ni mapema kuanza kufanya mazoezi. Mazoezi ya mpangilio ya sakafu ya nyonga kwa sasa yanatosha.

Njia pekee ya kurudia mwili wako wa kawaida ni kuenda taratibu. Maana ilikuchukua miezi tisa mtoto wako kukua, hivyo jiruhusu mda ule ule kurudisha mwili wako kama awali.

Mtoto Wiki ya 3

Jinsi mtoto wako anavyokua

Inaweza kukuwia vigumu kuamini, ila tayari mtoto wako ana karibia umri wa mwezi mmoja! Unaweza kumwona mtoto akijaribu kunyanyua kichwa chake ukiwa umemlaza kwenye tumbo lako. Mwishoni mwa wiki anaweza kufanikiwa, na pengine kuweza kugeuza kichwa chake upande mmoja kwenda mwingine. Unaweza pia kugundua miguu na mikono yake kupunguza kusogea kwa kasi na sio kwa kushtuka shtuka kadiri anavyoendelea kupata uwezo wa kuitumia misuli yake.

Mtoto wako bado hana utaratibu maalumu wa kulala. Lakini unaweza kuanza kumfundisha kuhusu tofauti ya usiku na mchana. Kadiri anavyokua, utaratibu wake wa kulala utaanza kuwa na mpangilio maalumu.

Maisha yako: Kukabiliana na ukosefu wa usingizi

Katika kipindi hiki utagundua ya kwamba tatizo la kukosa usingizi linakuandama sana. Kujisikia mwenye uchovu mwingi na wakati mwingine kuongea maneno yenye kukatika katika bila kumalizia sentesi. Hali hii ni tatizo kwa wanawake wengi wiki za mwanzo baada ya kujifungua. Jaribu kulala au kupumzika kila mtoto wako anapolala. Ni vyema kuacha kila kitu kwa muda na kupata muda wa kupumzika.

Jaribu kuwa na mawazo chanya. Kuongea na wazazi wengine wenye watoto wakubwa inaweza kusaidia. Wameshayapitia haya na watakuwa tayari kusaidia mbinu mbalimbali za kupambana na uchovu. Ni vyema pia kuzungumza na mtaalamu wako wa afya kuweza kujua kama unapata madini chuma ya kutosha.

Kuwa na uchovu kunaweza kukupa wakati mgumu kukabilia na mtoto pindi akiwa analia. Wakati mwingine yaweza onekana kama mtoto analia kila wakati. Kujua sababu zinazomfanya mtoto analia inaweza kukusaidia kukabiliana na tatizo kiurahisi.

Mtembele mtaalamu wa afya kwa sana. Ongea nae au mtaalamu wa unyonyeshaji kama unapata matatizo yeyote kipindi cha kumnyonyesha mtoto. Maziwa kuwa mengi, titi kuuma, chuchu kupasuka na maambukizi kwenye titi ni baadhi ya matatizo ya kawaida kwa mama anayenyonyesha, ila upo msaada wa kutosha kwa matatizo hayo.

Kila kitu kinaweza onekana ni cha kuchosha sana kwa sasa ila hali ya kawaida itarudi hivi karibuni katika familia yako.

Mtoto Wiki ya 2

Mtoto wako anavyokuwa

Katika wiki ya pili, mtoto wako anaanza kuwa na nguvu kila siku kwa kufanya mazoezi ya kunyonya, kushika na kupepesa macho wakati wa kutafuta chuchu.

Mara nyingine anaweza akakushika jicho na kukuangalia. Huo huwa muda muafaka kumwangalia pia kwa makini na kutabasamu huku ukiongea nae. Kuangaliana macho na mtoto ni njia mojawapo ya kuanzisha ukaribu nae.

Watoto wako tofauti, kuna ambao hutulia zaidi ya wengine. Lakini kama mwanao analia kwa muda mrefu sana, hiyo inaweza kuwa dalili ya maumivu ya tumbo (Colic). Wataalamu hawana uhakika ni watoto wangapi wanapata hayo matatizo (Colic), ingawa inadhaniwa kati ya asilimia tano na ishirini hupata madhara hayo katika kipindi fulani.

Kama mtoto wako atapata hayo matatizo (Colic), utakuwa na kipindi kigumu kwa wiki chache, ingawa kuna mengi unaweza kufanya katika kipindi hicho.

Mtoto Wiki ya 1

Jinsi mtoto wako anavyokua

Hongera kwa kuwasili kwa mshiriki mpya kwenye familia yako! Maisha na mtoto mpya yanaweza kuwa ya kuchosha na kufurahisha vile vile, na itachukua muda kujirudi katika hali yake ya kawaida. Kichanga chako kitahitaji mapenzi sana na kukumbatiwa mpaka aanze kuzoea maisha nje tumbo la uzazi.

Baada ya kuishi tumboni kwa miezi tisa, nafasi anayoipata nje ya mji wa mimba bado inamshangaza. Unaweza kuona kuwa anasogea kwa kushtuka shtuka kusiko na mpangilio kadiri anavyozoea na kufurahia nafasi nje ya mji wa mimba.Je, mtoto wako anaonekana kama pua zimeziba wakati amelala? Kama utamuangalia, utagundua anapumua katika mzunguko. Inaweza ikawa kwa haraka haraka na yenye kuvuta pumzi ndefu ndani ikifuatiwa na kupumua polepole na kuvuja pumzi juu juu. Unaweza pia kusikia kukoroma au kubanwa pumzi, na wakati mwingine unaweza kuona mtoto wako anaacha kupumua kwa sekunde hadi tano na kuanza kupumua tena.

Hii ni kawaida kabisa, na sio dalili kwamba mtoto wako ana mafua. Lakini kama utakuwa na wasiwasi wowote kuhusu upumuaji wa mtoto wako – au kitu kingine chochote usisite kupata kumuona daktari.

Maisha yako: Kuanza kuzoea kumlisha mtoto wako

Kama unamnyonyesha mtoto wako, inawezekana bado haujazoea swala hili. Ila itakuwa rahisi kadiri muda unavyoenda kwa hiyo kuwa mvumilivu. Kama unajisikia kukata tamaa jaribu kukumbuka faida zote za kunyonyesha kwa afya ya mtoto wako, ili kupata motisha.

Wamama wengi waliojifungua kwa mara ya kwanza huwa na wasiwasi kama maziwa anayopata mtoto yanatosha, sana sana kama mtoto anaonekana mwenye njaa muda wote au analia kila ukimuondoa kwenye chuchu. Soma ushauri kutoka kwa wataalamu wetu jinsi gani ya kutambua kama mtoto wako anapata maziwa ya kutosha.Ni lazima uwe na maswali mengi kuhusu kunyonyesha mtoto. Inakuwaga vigumu sana kwa wale ambao wamefanyiwa upasuaji na ushauriwa jinsi gani ya kumshika na kumnyonyesha mtoto vizuri.

Kumbuka unaweza kupata ushauri wa papo kwa papo kutoka kwa mkunga/daktari wako.Kama unanyonyesha kupitia chupa ni lazima utakuwa na maswali pia. Unaweza jiuliza mchanganyiko upi ni bora kwa mtoto wako au kiasi gani cha mchanganyiko anachotakiwa kupewa mtoto. kwa ushauri zaidi ongea na mkunga/daktari wako.

Kama unapata msongo wa mawazo kutokana na maisha mapya na mtoto wako, hiyo ni kawaida. Wamama wengi hupata sana shida wiki ya kwanza baada ya kujifungua mtoto kiasi cha kumfanya mama achoke na kuwa mpweke. Hii hutokana na mabadiliko ya homoni ambayo hutokea kwa masaa au siku chache. Ingawa ni kawaida, unaweza pata ushauri kutoka kwa mkunga/daktari wako kama hali hiyo itazidi.